Landnámsmennirnir í landnámi Helga magra

þriðjudagur 29.nóvember 2011 - Pétur Björgvin - Lestrar 10

,,Landnámsmennirnir í landnámi Helga magra" er yfirskrift fyrirlesturs og myndasýningar þar sem Hólmsteinn Snædal fer í máli og myndum yfir landnám Eyjafjarðar og skýrir með kortum stærð og legu hvers landnáms.

Fyrirlesturinn verður í sal AkureyrarAkademíunnar á efri hæð Húsmæðraskólans við Þórunnarstræti 99, þriðjudagskvöldið 29. nóvember kl. 20:00. Aðgangur ókeypis, allir velkomnir. Heitt á könnunni.

Fyrirlesturinn er í röð viðburða sem Sögufélag Eyfirðinga stendur fyrir, í tilefni af 40 ára afmæli félagsins. Að þessu sinni er viðburðurinn í samstarfi við Félag sjálfstætt starfandi fræðimanna á Norðurlandi - AkureyrarAkademíuna.

Til baka

Valmynd

Um okkur

AkureyrarAkademían er samfélag fólks á Norðurlandi sem lokið hefur háskólaprófi og/eða sinnir fræði- eða ritstörfum. AkureyrarAkademían er daglegt heiti Félags sjálfstætt starfandi fræðimanna á Norðurlandi, sem stofnað var vorið 2006. AkureyrarAkademían stendur reglulega fyrir fundum, fyrirlestrum, málþingum og uppákomum, þar sem félagar og gestir miðla af þekkingu sinni og sköpunargleði. Hægt er að leigja sér vinnuaðstöðu í húsnæði AkureyrarAkademíunnar, gamla Húsmæðraskólanum, Þórunnarstræti 99 á Akureyri.

AkureyrarAkademían