Fimmtudaginn 25. febrúar flutur Sverrir Páll Erlendsson, íslenskufræðingur, erindið Íslenska - lifandi talmál eða talandi ritmál? í fyrirlestraröð AkureyrarAkademíunnar. Fyrirlesturinn hefst kl 17:00 og er öllum opinn.
Í erindinu mun Sverrir Páll fjalla um hvernig fólk lagaði málið að þörfum sínum meðan engar voru skráðar reglur og hvernig það hefur verið varðveitt, að margir halda óbreytt í heila öld, eftir að reglur voru skráðar.
Leitast verður við að sýna mun sem er á því sem við teljum að sé gott mál skv. rithefðinni og því máli sem fólk talar, vegna þess að eitt sé mál og annað ritmál. Velt verður upp spurningum um það hvort og þá hvenær eigi eða megi líta svo á að málið hafi breyst - eða hvort koma eigi í veg fyrir breytingar, eins og sumir málverndarsinnar vilja. Grunnurinn í þessu öllu er þrátt fyrir allt málið sem fólk talar og það breytist talsvert á löngum tíma, hvað sem reglur og boð segja.
